امــــــي
قصيدتـي زاد فــي عيـونـي جمالـهـا
واخــذت انـقـي بالمـعـانـي جـلالـهـا
اكتـب معانيهـا مـن الشـوق والـغـلا
لأمي وانا اصغر واحد مـن عيالهـا
كتبتـهـا فــي غربـتـي يــوم رحلـتـي
لمـا طـرا لـي بالسفـر مـا طــرا لـهـا
امـي وانـا بـوصـف لـهـا زود حبـهـا
وان ما حكيت لها قصيـدي حكـا لهـا
امي لها في الجـوف والقلـب منزلـه
مـكـانـة مـــا كـــل مـحـبـوب نـالـهــا
اقرب من ظلالي وانا وسـط غربتـي
وانـا تـراني اقـرب لهـا مــن ظلالـهـا
ما شافت عيوني من النـاس غيرهـا
ولا خــلــق رب الـخـلايــق مـثـالـهـا
اغلى بشـر فـي جملـة النـاس كلهـم
واكـرم مـن يديـن المـزون وهمالهـا
اتبـع رضاهـا وارتـجـي زود قربـهـا
واللـي طلبـت مـن حيـاتـي وصالـهـا
الصدق مرساهـا والاشـواق بحرهـا
والعطف واحساس الغلا راس مالها
اهـيـم فيـهـا وابـتـسـم يـــوم قلـبـهـا
يـسـأل وانـــا قـلـبـي ايجاوب سـؤالـهـا
وان طلبتـنـي شــي فـزيــت مـنـدفـع
امــوت انــا واحـمـل تعبـهـا بـدالـهـا
اصبر على الدنيا والاحزان والتعـب
واحمـل علـى متنـي فطاحـل جبالـهـا
واسهر واعذب راحة القلب بالشقى
واعيـش اعانـي بـس يـرتـاح بالـهـا
تربية ابوي اللي على الطيب نذكره
الـلــي وهـبـنـي للـحـيـاه ومـجـالـهـا
نـور لـي دروبـي وانـا طفـل مبـتـدي
حـتـى تركـنـي واحــداً مــن رجالـهـا
الوالديـن اولــى بالاحـسـان لأجلـهـم
واولـى بتكـريـم النـفـوس وعدالـهـا
اقـولـهــا وانــــا عــلــى الله مـتـكــل
والله عـلـيـم بـقـدرتــي واحتـمـالـهـا
يـا كلمـة اغـلـى مــن الـنـاس كلـهـم
يـا شمـس فـي قلـبـي بعـيـد زوالـهـا
يـا فرحـة تملـي لـي الكـون بأكلـمـه
يــا شـجـرة تـكـبـر ويـكـبـر ظـلالـهـا
تضحـك لـي الدنيـا لا شـفـت زولـهـا
مـثـل السـمـا تـزهـى بطـلـة هلالـهـا
والبعد عنها يا اهل العرف ما اقـدره
لا شــك نـــاري زايـــده باشتعـالـهـا
مـا اعيـش ببـلاداً ولا اهيـم بالرهـى
ولا ابي عيوني كان مـا هـي بقبالهـا
ارضـاً تـدوس امـي بالاقـدام رملـهـا
امـــــوت فـيــهــا وانــدفـــن في رمالها
موضوع: امـــــــــــــــــــــي 
17/1/2008, 6:10 pm
